გაძლიერებული რეალობის შექმნა (AR)
ჩვენ ვსპეციალიზირდებით ინოვაციური გაძლიერებული რეალობის (AR) გამოცდილებების შექმნაში, რომელიც ცვლის ციფრულ სამყაროსთან ურთიერთობის გზებს. მიუედავად იმისა, რომ AR, როგორც ტექნოლოგია, უკვე ათწლეულზე მეტია არსებობს, რეალურად მისი სრული გამოყენება მხოლოდ ბოლო წლებში გახდა შესაძლებელი მოწყობილობების გამოთვლითი უნარების განვითარების შედეგად. “რეროს” დამატებით რეალობაში სიახლე VPS-ით (ვიზუალური პოზიციონირების სისტემით) შეაქვს. მისი გამოყენებით შესაძლებელია მომხმარებლის მდებარეობის განსაზღვრა სივრცეში სანტიმეტრის სიზუსტით და მის ირგვლივ სამყაროს ციფრულად გამდიდრება. VPS საშუალებას გვაძლევს, უბრალო ქუჩები სამხატვრო გამოფენებად, ხოლო ქალაქები მუზეუმებად ვაქციოთ. Unity ძრავის, ArKit, ArCore და სხვა SDK ების გამოყენებით ჩვენი გაწაფული გუნდი ქმნის გაძლიერებული რეალობის შთამბეჭდავ და ინოვაციურ გამოცდილებას ორივე, როგორც Android ასევე IOS პლატფორმისთვის.
რა არის გაძლიერებული რეალობა (AR)?
გაძლიერებული რეალობა (AR) ინოვაციური ტექნოლოგიაა, რომელიც თუმც დიდი ხანია არსებობს, რეალურად გამოყენება მხოლოდ ბოლო წლებში გახდა შესაძლებელი. დამატებითი, გაძლიერებული რეალობა, როგორც სახელიდანვე ჩანს, არის ფიზიკური რეალობის გამდიდრება ციფრული რეალობით. ტელეფონის კამერის გამოყენებით, ტექნოლოგია აღიქვამს ჩვენს ირგვლივ არსებულ სივრცეს და გვიჩვენებს მასში განთავსებულ ისეთ კონტენტს, რომელიც რეალურად იქ არ არის.
ტელეფონის კამერის, მოძრაობის სენსორისა და ლაიდარ სენსორის გამოყენებით (ასეთის არსებობის შემთხვევაში) ხდება მომხმარებლის “ტრეკინგი” რეალურ სივრცეში და მის მიმართ განისაზღვრება ვირტუალური ობიექტების მდებარეობა. იქმნება ილუზია, თითქოს ციფრული მოდელები, რეალურად არიან ჩვენს ირგვლივ.
რა არის VPS (ვიზუალური პოზიციონირების სისტემა)?
ვიზუალური პოზიცირების სისტემა (VPS) უახლესი AR ტექნოლოგიაა, რომელიც გარემოს ვიზუალური მონაცემების გამოყენებით ახდენს მობილურის ზუსტი მდებარეობის სანტიმეტრის სიზუსტით ტრეკინგს წინასწარ დასკანერებულ ადგილებში. ამავდროულად მეტად ნაცნობი და გამოყენებადი GPS სისტემა კარგ შემთხვევაში 4 მეტრამდე ცდომილებას იძლევა. VPS ის გამოსაყენებლად, ადგილმდებარეობა წინასწარ სკანერდება, გროვდება მისთვის დამახასიათებელი უნიკალური თვისებრივი წერტილები და იგება ადგილის ვირტუალური რუკა. აპლიკაციის ჩართვისას, მომხმარებლის მობილურის კამერის აღქმა დარდება აგებულ ციფრულ სივრცეს და სპეციალური ალგორითმებით განისაზღვრება მისი მდებარეობა. ამ ტექნოლოგიით შეგვიძლია დავასკანეროთ რეალური ადგილები და მათში ჩავამატოთ ციფრული ელემენტები სანტიმეტრის სიზუსტით.
დამატებითი რეალობის (AR) გამოყენების სფეროები
“რეროს” AR სერვისები მრავალი ინდუსტრიისთვის შეიძლება იყოს სასარგებლო. აი, როგორ შეგიძლიათ გამოიყენოთ AR თქვენი პროდუქტებისთვის:
მარკეტინგი და რეკლამა
ჩვენ ვქმნით დამაინტრიგებელ AR კამპანიებს, რომლებიც იზიდავს აუდიტორიას და აძლიერებს ბრენდის ცნობადობას. ვირტუალური სატესტო მაკეტებიდან ინტერაქტიულ პროდუქტის დემონსტრაციებამდე, ჩვენი AR სერვისები შეგიძლიათ გაამრავალფერობნოთ თქვენი მარკეტინგ კამპანია და რეკლამა.
განათლება
ჩვენი AR პროდუქტები უზრუნველყოფს ინტერაქციულ სასწავლო გამოცდილებებს, ვირტუალური საკლასო ოთახებიდან უნარებზე დაფუძნებული სიმულაციებამდე. გაძლიერებული რეალობის აპლიკაციები განათლებას ინტერაქტიულსა და საინტერესოს ხდის.
კულტურული მემკვიდრეობის პროექტები
ჩვენ ვქმნით AR აპლიკაციებს, რომლებიც აცოცხლებს ისტორიასა და კულტურას. ვირტუალური გამოფენები, რეალური არტეფაქტების ვიზუალიზაცია და ინტერაქტიული ნარატივები არის მხოლოდ რამდენიმე გზა, რომლითაც ვაკავშირებთ აუდიტორიას კულტურასთან.
საცალო ვაჭრობა და ელექტრონული კომერცია
ჩვენ ვქმნით AR ინსტრუმენტებს პროდუქტის ციფრულად რეალურ სამყაროში ვიზუალიზაციისა და ვირტუალური შოპინგის გამოცდილებისთვის, რაც მომხმარებლებს აძლევს საშუალებას რეალურ სივრცეში დეტალურად დაათვალიეროს პროდუქტები შეძენამდე.
თამაშები და გართობა
ჩვენი AR თამაშები და ინტერაქტიული გამოცდილებები მოთამაშეებს ითრევს დინამიურ ვირტუალურ გარემოში, აფართოებს შემოქმედებისა და ინოვაციის საზღვრებს.
VPS-ზე, ადგილზე დაფუძნებული AR გამოცდილებები
ვიზუალური პოზიციონირების სსიტემის საშუალებით შეგვიძლია ვირტუალური კონტენტიღ მოვრთოთ რეალური სამყარო წინასწარგანსაზღვრულ ადგილებში. მისი საშუალებით შესაძლებელია, როგორც მუზეუმში ნავიგაციისა და ციფრული გიდის, ასევე რეალური ქუჩებისა და ადგილების მუზეუმად ქცევა, ვირტუალური ობიექტებით შესაბამისად მორთვა.
ინსტრუმენტები და ტექნიკები
ჩვენი AR გამოცდილება ეფუძნება მოწინავე ინსტრუმენტებსა და განმტკიცებულ ტექნოლოგიას. აი, რა გვხდის გამორჩეულს:
- ARCore და ARKit: წამყვანი AR პლატფორმები საშუალებას გვაძლევს შევქმნათ ჩამთრევი და საინტერესო გაძლიერებული რეალობის გამოცდილებები როგორც Android-ისთვის, ისე iOS-ისთვის.
- Unity და Unreal Engine: ჩვენ ვიყენებთ ამ ინდუსტრიის წამყვან ძრავების შესაძლებლობებს, რათა ავაგოთ ვიზუალურად შთამბეჭდავი და მაღალინტერაქტიული AR აპლიკაციები. მათი ფართო ფუნქციონალი საშუალებას გვაძლევს შევქმნათ რეალისტური გრაფიკა, დეტალური ანიმაციები და დინამიური ინტერაქციები, მომხმარებლისთვის ინოცავიური გამოცდილების შესაქმნელად.
- Niantic Lightship: ინდუსტრიის წამყვანი AR SDK, რომელიც საბაზო ბიბლიოთეკებს (ARCore/ARKit) ამატებს ინოვაციურ ფუნქციონალს და აუმჯობესებს უკვე არსებულს.
- 3D მოდელირება და ანიმაცია: პროფესიონალური ინსტრუმენტების, როგორიცაა Blender და Maya, გამოყენებით, ჩვენ ვქმნით დეტალურ და რეალისტურ 3D ობიექტებს, რომლებსაც შემდეგ ვათავსებთ ფიზიკურ სივრცეში გაძლიერებული რეალობის ტექნოლოგიის გამოყენებით.
- VPS-ზე დაფუძნებული AR: ვიზუალური პოზიცირების სისტემის ტექნოლოგიაში ჩვენი გამოცდილება საშუალებას გვაძლევს შევქმნათ AR აპლიკაციები შეუდარებელი სიზუსტით. რეალური სამყაროს ვიზუალური ინფორმაციული წერტილების გამოყენებით, ჩვენ ვუზრუნველვყოფთ კონტექსტუალურ რელევანტურობას და AR ობიექტების ზუსტ განთავსებას სივრცეში.
- ადგილმდებარეობაზე დაფუძნებული AR: GPS-ისა და გეოსპატიური მონაცემების ინტეგრაციით, ჩვენ ვქმნით AR აპლიკაციებს, რომელიც დინამიურად ურთიერთობს რეალურ ადგილებთან. ეს საშუალებას გვაძლევს შევქმნათ გამოცდილებები, რომლებიც კონკრეტულ გარემოებებს ერგება, მაგალითად, გიდის ტურები, ადგილმდებარეობაზე დაფუძნებული თამაშები და გარე ნავიგაციის ინსტრუმენტები. თუმც მოცემული მეთოდი VPS-ზე ნაკლებად ზუსტია (1 მეტრამდე ცდომილება), ზოგიერთი გამოცდილებისთვის სავსებით საკმარისია.
- მარკერიანი და მარკერის გარეშე AR: ფიზიკური მარკერების, როგორიცაა QR კოდები, გამოყენებიდან დაწყებული ობიექტის ამოცნობის მოწინავე ტექნოლოგიით მარკერის გარეშე AR-მდე, ჩვენ ვადაპტირებთ ტექნოლოგიას თქვენი პროექტის საჭიროებებზე. ეს მოქნილობა უზრუნველყოფს, რომ AR აპლიკაცია შეესაბამებოდეს როგორც თქვენს ხედვას, ისე პრაქტიკულ მოთხოვნებს.
რატომ “რერო” გაძლიერებული რეალობის შესაქმნელად?
- ინოვაციური სერვისი: მოცემული სერვისი და ტექნოლოგიების ინტეგრაცია მთელს მსოფლიოში უკონკურენტო და ტოლდაუდებელია.
- მორგებული გამოცდილებები: ჩვენ ვქმნით AR აპლიკაციებს, რომლებიც სრულად შეესაბამება თქვენი პროექტის მიზნებსა და საჭიროებებს.
- კროს-პლატფორმული აგება: ARCore/ARKit-ისა და ძრავების Unity, Unreal Engine-ის გამოყენების გამოცდილებით, ჩვენ ვქმნით მაღალი ხარისხის აპლიკაციებს ნებისმიერი პლატფორმისთვის.
- თანამშრომლობითი მიდგომა: ჩვენ მჭიდროდ ვთანამშრომლობთ თქვენთან წარმოების პროცესის განმავლობაში, რათა საბოლოო პროდუქტმა და შედეგებმა მოლოდინებს გადააჭარბოს.
- შთამბეჭდაობა: ჩვენი AR აპლიკაციები იქმნება იმისთვის, რომ მომხმარებლებზე დაუვიწყარი შთაბეჭდილება მოახდინოს, გააძლიეროს ჩართულობა და წაახალისოს ინოვაციები.