რეროს აუდიო დიზაინის სერვისი თქვენს პროექტს უნიკალურ ხასიათსა და ემოციურ სიღრმეს სძენს. მოგეხსენებათ, მუსიკა არის პროექტის სული, რომელიც აყალიბებს მის ატმოსფეროს და მაყურებელზე გადამწყვეტ შთაბეჭდილებას ახდენს. ჩვენი სტუდიის მთავარი მიმართულებაა ორიგინალური მუსიკის შექმნაა ფილმების, თამაშებისა და სხვა მედიაპროექტისთვის. ვთხზავთ დასამახსოვრებელ და ატმოსფერულ საუნდტრეკებს, პროექტის სათქმელის ყველაზე თვალსაჩინოდ გადმოსაცემად. მუსიკალური კომპოზიციის გარდა, ჩვენი სერვისი მოიცავს სრულ ხმოვან პოსტ-პროდაქშენს, მათ შორის ხმის დამუშავებას (ხმაურის მოშორება, დეფექტების გასწორება, რესტავრაცია), რაც საშუალებას გვაძლევს, შევქმნათ ერთიანი, დასრულებული აუდიო მხარე. საბოლოო ჯამში, ჩვენი მიზანია, შევქმნათ არა უბრალოდ აუდიო, არამედ პროექტის განუყოფელი ნაწილი, რომელიც მაყურებელსა თუ მსმენელზე სასურველ ზეგავლენას მოახდენს.
რერო თქვენი პროფესიონალი პარტნიორია, როდესაც საქმე ეხება მუსიკის შექმნასა და ხარისხიან აუდიო პროდუქციას. ჩვენი გამოცდილება დასტურდება ისეთი მასშტაბური პროექტებით, როგორიცაა სრულმეტრაჟიანი ფილმი „ქუთაისის მემორიალი“, რომლისთვისაც ხმის დამუშავებასთან ერთად, შეიქმნა ექსკლუზიური საუნდტრეკები. თამაშების აუდიოს მიმართულებით ჩვენს კომპეტენციას კი ხაზს უსვამს საერთაშორისოდ ნომინირებული თამაში Odyssey: Sakutaiso, რომლის სამი განსხვავებული დონისთვის სამი ერთმანეთისგან სრულიად განსხვავებული ტიპის მუსიკა შეიქმნა. ეს გამოცდილება გვაძლევს საშუალებას, შევქმნათ არა მხოლოდ მუსიკა, არამედ სრული, დასრულებული აუდიო დიზაინი თქვენი პროექტისთვის.
ხშირად დასმული კითხვები აუდიო დიზაინის შესახებ:
1) კონკრეტულად რა აუდიო სერვისებს გვთავაზობთ?
ჩვენი ძირითადი მიმართულებაა ორიგინალური მუსიკის შექმნა ფილმების, თამაშებისა და სხვა მედიაპროექტებისთვის. ამასთან ერთად, ჩვენ ვთავაზობთ სრულ აუდიო პოსტ-პროდაქშენს, რაც მოიცავს ხმის დამუშავებას, რესტავრაციასა და გახმოვანებას.
2) შეგიძლიათ თქვენი ნამუშევრის მაგალითი მოიყვანოთ კინო მუსიკაში?
რა თქმა უნდა. ჩვენი ერთ-ერთი მასშტაბური პროექტია სრულმეტრაჟიანი ფილმი „ქუთაისის მემორიალი“, რომლისთვისაც შეიქმნა ექსკლუზიური საუნდტრეკი და ფილმში არსებული ყველა ხმა ჩვენი დიზაინითაა შექმნილი.
3) რით არის გამორჩეული თქვენი მიდგომა თამაშის მუსიკის შექმნისას?
თამაშებისთვის მუსიკის შექმნისას, ჩვენ დიდ ყურადღებას ვაქცევთ ინტერაქტიულობას. მაგალითად, ჩვენს ნომინირებულ თამაშში, Odyssey: Sakutaiso, სამი განსხვავებული დონისთვის სამი ერთმანეთისგან სრულიად განსხვავებული მუსიკალური თემა შეიქმნა, რაც გეიმპლეის დინამიკას იდეალურად ერგება.
4) რას გულისხმობს ხმის დამუშავების სერვისი?
ხმის დამუშავება მოიცავს არსებული აუდიო ჩანაწერის ხარისხის გაუმჯობესებას: ხმაურის მოშორებას, დეფექტების გასწორებას, ხმის სიხშირეების დაბალანსებას და საერთო ჟღერადობის პროფესიონალურ დონეზე აყვანას.
5) ქმნით თუ არა სრულყოფილ სიმღერებს ვოკალით?
დიახ, ჩვენი სერვისი მოიცავს სრულფასოვანი სიმღერების შექმნას, რაც გულისხმობს მუსიკის დაწერას, არანჟირებას, საჭიროების შემთხვევაში ტექსტის შექმნას, ვოკალის ჩაწერასა და საბოლოო მასტერინგს.
6) რა ინფორმაციაა საჭირო მუსიკის შესაკვეთად?
სამუშაოს დასაწყებად, ჩვენ გვჭირდება ინფორმაცია პროექტის შესახებ: მისი ჟანრი, ემოციური განწყობა, ასევე რეფერენსები — მუსიკალური ნაწარმოებების მაგალითები, რომლებიც თქვენს ხედვასთან ახლოსაა.
7) შეგიძლიათ თუ არა აუდიოს ინტეგრაცია თამაშის ძრავში?
დიახ. თამაშების პროექტებისთვის, ჩვენ გთავაზობთ ტექნიკური ხმის იმპლემენტაციის სერვისს Unity-სა და Unreal-ის ძრავებში, რაც უზრუნველყოფს დინამიურ და ინტერაქტიულ ხმოვანებას.
8) რა ფორმატებში ვიღებ საბოლოო აუდიო ფაილებს?
ჩვენ გადმოგცემთ მაღალი ხარისხის, დამუშავებულ აუდიო ფაილებს თქვენი პროექტისთვის საუკეთესო ფორმატში, როგორც წესი, WAV. საჭიროების შემთხვევაში, შეგვიძლია მოგაწოდოთ MP3 ან OGG ფაილებიც.
